22
Users Läba
Dänk schiächt und es gooter asoo,
dänk guat und du bischt froo!
Üsers Inner, üsere Seel,
ischt a ständegs Wächselspeel.
Üsers Läba ischt wiemer dänkend,
mier sälber sind s, wo ränkend,
es ischt, ob Freihäät oder Schranka,
s Produkt vo üserna Gedanka!
Am Jooresend
I froog me höt, was han e tua,
wia ischt s Joor verloffa,
han e gfunda mine Rua,
sind mänge Wüüsch noch offa?
Was han e Guats tua för dia Wält,
oder han e mii no gsächa?
Ischt mer wechteg gse no s Gäld
oder um me umme s Gschächa?
Was ischt mer groota und was halt ned,
was hät beschäftegt mii so viil?
Siech e höt der Untersched,
siech e s Läbesziil?
I wüüsch mer seenlegscht Freda
för mii und alle Lüt,
dass ma metanand duat reda
und wäneger hät Strit!