Volltext: Balzner Neujahrsblätter (1997) (1997)

17 
Feerezit 
Als Buab i d Feere han e könna vergässa, 
groosse Wüüsch, das wäär vermässa, 
ge pfööla, i d Beer, i d Alp oder is Fäld, 
zom Reisa hät ma ka vooregs Gäld. 
Dia Zita, dia sind scho lang verbei, 
höt kond Kaarta us Kenia, Hongkong und Hawaii. 
Muascht no bim Poschtiigang ufem Laufenda sii, 
dänn lärnscht am beschta d Geografii! 
S Angebot tuat öberborda, 
bewegleg ischt der Mänsch höt worda. 
Im Flüüger, im Scheff, medem Auto ober d Päss, 
statt ruaba hät ma ir Feere an Sträss. 
«Äktschen» häässt s ir hötega Sprooch, 
alle Ärdtääl sind üüs nooch. 
Vo ena verzella ischt halt bequeemer 
as medem Noochbuur ober Probleemer! 
Anaräsch am Heua 
Der Vatter hät a paar Sägassa grechi, 
am Morga früa goot s scho ge määia, 
Azoora-Hoch, lut Wätter-Brecht, 
dänn muass mes ned lang drääia! 
D Määtla muand ge worba, 
der Znüüne ischt vor Mama d Sach, 
nochem Schaffa an rächta Zmorga, 
do wörend alle Gääschter wach! 
An Waald, an Bach - mier händ jo Zit, 
d Sunna muass jätz schiina, 
«Buaba, goond dänn scho ned zwitt», 
an Hiiwiis no an fiina! 
Keera muamer, mädla oo, 
höckerla jee noch Wätter, 
am Morga zetta, das ischt a soo, 
wänn s dörr ischt uf a Waga, zwöschet d Gätter. 
S Fuader zücht be üüs a Kua, 
dia keiba koga Brääma, 
s Roochfass schafft a Wiile Rua, 
d Hetz tuat äm fascht lääma. 
Am Oobet hämmer s Höö im Tänn, 
uf em Hööstock bega, 
verschwetzt und müad sind alle dänn, 
aber richteg tüüf dinn zfreda!
	        

Nutzerhinweis

Sehr geehrte Benutzerin, sehr geehrter Benutzer,

aufgrund der aktuellen Entwicklungen in der Webtechnologie, die im Goobi viewer verwendet wird, unterstützt die Software den von Ihnen verwendeten Browser nicht mehr.

Bitte benutzen Sie einen der folgenden Browser, um diese Seite korrekt darstellen zu können.

Vielen Dank für Ihr Verständnis.