38 
Üsere Schwöschter Zita 
Vor guat vierzg Johr - es ischt scho lang - 
schtot d’Schwöschter s’erschtmol im Schualhusgang. 
A junge Schwöschter, i dr wiissa Huba, 
kunnt si zo üüs, zo da Balzner Buaba. 
Si seet üüs gleich am erschta Tag 
wövels i dr Schual eppa liida mag. 
Und händ dänn zwei metanander gschtrette, 
wer tschüpplet am Hoor üüs - halt d’Schwöschter Zita! 
Und goht’s denn i Kircha oder soss i dr Reiha 
muass etschmer verus un dia Sach recht dreia. 
Z’vorderscht vora kunnt a Schwöschter gschretta. 
Wer ischt das sett Johra - halt d’Schwöschter Zita! 
Sr. Zita (Paula) Wohlgenannt 
geboren am 2. November 1899 
gestorben am 22. März 1986 
Ara Wiissa Sunntig, bi n’ra Prozessio 
do muass o etschmer vorna stoh. 
Muoss zääga, wia s’Vatenmser goht 
und wias met em Rosokranz eppa stoht. 
Fählt dr Mesmer ir Kircha und focht niemert a betta, 
wer ka dänn do helfa und dia Sach no retta? 
Oeber das gits vierzg Johr scho nüt meh z’schtritta: 
das macht bi üs halt d’Schwöschter Zita! 
I da erschta Klassa, do hät sie üüs glehrt: 
Buachschtaba, s’Rechna und was derzua ghört. 
Häts änn vo üüs net rächt wella packa, 
vor Angscht hätt känn müassa zämmasacka. 
Nochamol und zehamol hätt sie’s erklärt, 
met Gedold hätt sie alle mettanander glehrt. 
Drum stohnd höt alle dr’Schwöschter zor Sitta 
und sägen: Vergält’s Gott, dr Schwöschter Zita! 
Miar händ als Luusbuaba Stöckle verbrocha 
und dänn hämmer üüs aber schnell verkrocha. 
Aber ämol ischt dia Sach scho zimleg vergrota: 
d’Schwöschter hätt üüs verwöscht und a d’Uehrer verrota. 
Miar händ do met Stää uf d’Feeschter zielat 
und wenn’s tätscht hätt, hämmer üüs köschtleg verwielat. 
Am andara Tag isch dänn dümmer ganga: 
A Dotzed loot dr Kopf scho zimleg tüüf hanga 
bi Schriiba und Schtrofa. - Jetz isch es uf dr Sitta, 
aber rächt hät se gha - üsre Schwöschter Zita. 
Das Gedicht wurde vorgetragen von 
den «Hugo-Buaba» (Erich und Paul 
Vogt, Mäls 304) anlässlich der 
Ehrenbürgerfeier für Sr. Zita im 
November 1962 
Vo viel’na dohinna könnt d'Schwöschter verzelle, 
aber d’Schwöschter und miar sind dröber grad stella. 
Oeber tausig hätt sie glehrt i däna langa Johr, 
s'Börgerrächt ghörtera - oder isch net wohr? 
Net mänga kas rechteg und wörkleg verschtoh, 
was das häässt - vierzg Johr mit Schüaler umgoh! 
Ues ischt jetzt ernscht, wia bim Lerna soss selta: 
Dr Herrgott söll's dr Schwöschter Zita vergälta!