Hl BEI EINTRACHT OSTERN
1997 LACHENDES LIECHTENSTEIN Sprüche - von und mit Georg Schierscher (*1909) Schaaner Gemeindeweibel und Nachtwächter 1938-1974 und Kir- chenpolizist Charakteristikum: Georg hat jede Person mit einem freundlichen Handzeichen gegrüsst, gleichgültig, ob Fussgänger oder Autofahrer, Schaaner oder Amerikaner. Georg Schierscher, der freundlichste Schaaner Beim Mähen Dr Georg ischt am Morga früa noch'm Nachtwächterdianscht im Quoder doss gse am Määia (mähen). Er hat scho viel abgha. Doo kunnt dr Schriber Sepp dahär und seet (zom Gschpass): «Jo, du häsch'es guat, du muasch' net uufschtoo am
Morga.» Dr Franz-Sepp, Waldhirt Dr Franz-Sepp und dr Georg sind met' ma Fuadr Buacha'n'escht för Fronleichnam im Forscht doss vom Wald aha z'fahra ko. Dr Franz-Sepp ischt uf'm Fuadr domma ghockat.Bim
lischwenka i d'Landschtross ischt an met'ma n'Auto dahärko und hat gmänt, er hei an Kratz öbr- ko von däna n'Escht. Wo'nr drwä- gad aagfanga hat schnorra, hat dr Franz-Sepp vom Fuadr aha grüaft: «Do homm isch' dar, wo befiehlt!», hat am Georg dr Geisselschtäcka aha gworfa und gseet: «Georg, hau'em dr Geisselschtäcka um a Grind
ummi!» Alkohol im Spiel Am Georg hat i junga Johra eppert grüaft, as legi an asa bsoffna i'r Duxgass domma. Doo hat dr Georg dr Handkarra gholt, hat an Schöbl Höö druf tua, ischt
uffi und hat dar Maa ufglada. Er hat an sau Vrlet ka drbei. Dar Maa ischt gse wia'nan Sack - an morts langa Karle, d'Füass hät'r bim Hämfahra am Bo- da noochzoga. An andra Schaaner ischt o asa bsoffna im'ana Graba dinn gläga. Dr Georg ischt scho döt gse. Doo kunnt dr Kaploo drzua, dr Gelda- bott und hat gfrogat: «Was fehlt dem Mann?» Doo hat dar im Graba dinna gseet: «Wenn scho epas Dumms ischt, kunnt gwös no epas Dümmers drzua.» An witara Schaaner ischt ir Nacht z'metsat im Wintr im Wäschgraba bis zo da Hüft uffi im Schnee gsch- tanda. Dr Georg ischt uf dr Nacht- wach gse und hat gfrogat, wo'nr hü welli. Doo hät'm dar zor Antwort gee: «Häm, Du huara Narr.» Wo' nara hämbrocht gha hat, hat em si- ni Frau no uufschtoo müasa zom'na Schwiiswörscht
z'süüda. Polizeistunde «I Kircha wenn'dr net ihi und do (aus dem Gasthaus) net ussi.» «So, Saukoga, jätz hend'r gsoffa knuag, gohnd häm zom Wiible. lar nötz'n do jo sowiso nüt mee.» «Rosa (Rösslewirtin), nümm'na s'Gält ab! Und jätz, Saukoga, gohnd häm, jätz hend'r gsoffa knuag!» «Wenn'r allno dohockand, wenn i wedr komm, denn muas'ni butza (strafen).»Nachtwächterhund
Dr Georg hat bim Nachtdianscht noch dr Polizeischtund albig an Schöfrhund bei'm gha. Wenn's abr doss extrem kalt gse ischt odr wenn's grägnat hat, was vom Himml aha hat möga, denn hat dr Hund dahäm bliba dörfa met'r Be- gründig: «Dar muas'es schöö
ha.» Steuererklärung Beim Austragen der Steuerer- klärungsformulare pflegte Georg zu sagen: «Der Frühlingsbote kommt.» Bi dära Glägahät isch'dr Georg bi s'Bahmeischtrs Gottlieble vrbeiko. Wäll dar Maa vorher langi Zit z'Zöri dünn gse sieht, hät'ra resch- päcktvoll met Sie aagredt. Druf ahi hat dr Gottlieb zom Georg gseet: «Es ischt a Beleidigung, wenn an Schaaner zom andera Sie
seet.» Met'm Schletta vo'r Mäss häm Dr Georg hat asa junga dr Kaploo Geldenbott noch dr Mäss z'Planka epadia met'm Schletta gi Schaa aha gfahra. Do hät'r amol ghörig laufa- loo, dass' es beedi ima'na enga Rank dinn ussibudlat hat. Wo dr Geldenbott uufgschtanda ischt und dr Schnee vo dr Kutta abkloggat hat, hät'r gseet: «Georg, hast Du das mit Absicht getan?» (Antwort: Es schweigt des Sängers Höflich- keit!) Überstanden Dr Georg hat bim Weibldianscht amol an gfrogat, wia aalt'r sei. «Fofzgi», hät'm dar zor Antwort gee. Do hat dr Georg erwiedarat: «Denn hascht jo s'Gröbscht o scho hindadr.»A.P.G. 28
